Keriçte Rusiye quvetçileri bir erkekni internette "terrorizmge açıq çağıruvlar" yapqanı içün yaqalağan. Bu aqta Rusiye kütleviy haber vastaları Qırım boyunca FSB idaresine atıf etip bildire.
"1962 senesi doğma Ukrayina telükesizlik hızmetiniñ nefaqacısı, deñiz naqliyatı müessiselerinden biriniñ hadimi, Telegram-kanalında açıq irişimli metin izaatlarını derc etti, onda Ulu Vatan cenkiniñ yekünlenmesiniñ nevbetteki yıllığı munasebetinen Ğalebe paradı keçirilgende Qızıl meydanğa pilotsız uçaq vastasınen ücüm etmege çağıra", — dep bildire FSB.
Cenk şaraitlerinde Rusiye quvetçileriniñ aytqanlarını teşkermek qıyın. Şimdiki vaqıtta erkek apiste buluna. Rusiye mahkemesi onı qabaatlı tanısa, oña yedi yıl apis cezası berile bile.
Daa evel Ukrayina prezidentiniñ Qırım Muhtar Cumhuriyetindeki temsilciligi, Roskomnadzor Rusiye Federatsiyası tarafından işğal etilgen Ukrayina topraqlarında, şu cümleden Qırımda, malümat boşluğı üzerinde nezaretni quvetleştire, dep bildirdi.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı Qırımlı bloger Aleksandr Talipov öz telegram kanalında Ukrayinağa qoltutqan Qırımlılarnıñ şahsiy malümatlarını derc ete. Böyle şikâyetlerniñ neticesinde Qırımlılar tutula ve Rusiye ordusınıñ itibardan tüşürgeni içün memuriy ve cinaiy mesüliyetke çekile.
